KOMANDI DYSTIR


EFFODEILDIN
5. pláss

 
 

 


Stuðlar







Per Omdal, og Børge B Hansen, næstformaður í HB, hava kenst í fleiri áratíggjund. Mynd: Finnbogi Arge

Forkunnug vitjan úr Ísrael og Montenegro

Felagið06-06-2013 - Jónfinn Petursson

Mikudagin hevði Havnar Bóltfelag forvitnisliga vitjan úr Monenegro og Ísrael. Tað er UEFA, sum skipar fyri sonevnda Study Group, har limalond koma saman at viðgera ymisk evni.


Í ár var so fyrsta stevnan hildin í Føroyum, og var tað FSF, sum heitti á Havnar Bóltfelag um greiða frá evninum “grasroots” í høvuðsstaðnum.

Formaðurin í Havnar Bóltfelag , Finnbogi Arge, saman við næstformanninum, Børge B. Hansen, tóku ímóti vegna felagið. Harumframt greiddi høvuðsungdómsvenjarin, Milan Cimburovic, frá venjingunum.

Aftaná framløgurnar eygleiddu gestirnir venjingarnar hjá gentunum og dreingjunum í sólskininum í Gundadali. At kalla alt ferðalagið vóru venjarar úr Ísrael og Montenegro. 

Montenegro liggur í løtuni á 18. plássi í styrkismetingini hjá FIFA, frammafyri m.o.  Ongland. 600.000 fólk búgva í Montenegro, sum áður var partur av Jugoslavia. Málið er tó tað sama, so tað lá væl fyri hjá Milan Cimburovic at samskifta við gestirnar.

Við í ferðalagnum var norski UEFA-umboðsmaðurin og fyrrverandi forsetin í norska fótbóltssambandinum, Per Omdal.

Per Omdal hevur fingið serstaka uppgávu frá norsku stjórnini at  menna dreingja- og gentufótbólt í Miðeystri.